ചലച്ചിത്ര രംഗത്ത് തൊട്ടതെല്ലാം പൊന്നാക്കുന്ന രാജമൗലി ഒരു പരസ്യ രംഗത്തിൽ അഭിനയിക്കുന്ന വീഡിയോ ചോർന്നത് സോഷ്യൽ മീഡിയയിൽ ചർച്ചയായിരിക്കുകയാണ്. OPPO യുടെ പുതിയ മോഡൽ ഫോണും കൈയിൽ പിടിച്ച് പുതിയ മേക്കോവറിൽ നടന്നുവരുന്ന രാജമൗലിയാണ് വീഡിയോയിൽ ഉള്ളത്. സിനിമാ മേഖലയിൽ നിന്നുള്ള രൺബീർ കപൂർ, വരുൺ ധവാൻ എന്നിവർക്ക് ശേഷമാണ് ഇപ്പൊൾ രാജമൗലിയും എത്തുന്നത്. സിനിമാ നടന്മാരും നടിമാരും മാത്രം വഹിച്ചിരുന്ന ഇത്തരമൊരു സ്ഥാനം ഒരു സംവിധായകനിലേക്ക് എത്തിയതിന് അടുത്തിടെ ഓസ്കർ നേടിയ RRR നുള്ള സ്ഥാനം വലുതാണ്.
ഔദ്യഗികമായി പ്രഖ്യാപിച്ചിട്ടില്ലെങ്കിലും, ഒറിജിനൽ വീഡിയോ പുറത്തിറങ്ങിയിട്ടില്ലെങ്കിലും വിദേശ രാജ്യത്ത് വച്ച് ഷൂട്ട് ചെയ്ത ഈ പരസ്യ രംഗത്തിൻ്റെ ഭാഗം കണ്ട പ്രേക്ഷകർ ഏറെക്കുറെ സത്യമാണെന്ന് ഉറപ്പിച്ച് കഴിഞ്ഞിരിക്കുന്നു. വരും ദിവസങ്ങളിൽ ഇതിനൊരു വ്യക്തത വരുമെന്ന് പ്രതീക്ഷിക്കാം.
ചൈനീസ് ബ്രാൻ്റുകൾക്ക് നേരെ ചില ഹൈന്ദവ ചിന്താഗതിയുള്ള ജനങ്ങളിൽ നിന്ന് പ്രതിക്ഷേധം നേരിടുന്ന ഈ സാഹചര്യത്തിൽ രാജമൗലിയെ പോലൊരു വ്യക്തി ഒരു ചൈനീസ് കമ്പനിയുടെ ബ്രാൻഡ് അംബാസിഡറായി ചുമതല ഏൽക്കാൻ സാധ്യത ഇല്ല എന്ന അഭിപ്രായവും ഉയർന്ന് വരുന്നുണ്ട്.
